نخستین ” خهلات ئهدهبی کوردی ئیلام” با معرفی برگزیدگان به کار خود پایان داد.
به گزارش روابط عمومی اداره کل فرهنگ و ارشاد اسلامی استان ایلام ، متن بیانیه هیئت داوران به شرح زیر است:
زاگروس بهرز و بڵێن ههمیشان، میراتی رێوارهیل رێگای نۊر، زانست و ویر بۊه که بێ دهنگ، ده باوش هیچ شا و پاشاێ پا وه گهز داگه توانیه رهنگ و ریشگ خوهێ حفز بکهێ و دهسکهفت ههزاران سالهێ فهرههنگ، وشه و زانست پێشکهش وه نەسڵ نوو بکەێ. ئیمه تهنیا نیمن هێمان دهنگ ئهژدادمان ژه سوومر، ماد، گوتی، کاسیت و… وه گۊهمان دیاێ که رووله بجم ئۊشن داڵدهێ تۊهم باستانیمان بوون.
بهڵێ ساڵان ساڵە شێعر و مووسیقی جوور کووماج تۊهنستنه که بن و بنچهک ئیمه حفز بکهن وهلێ دهئ کات و ساته تهنیا ڕێێ ڕزگاری فهرههنگ و زوان کوردی گام ئهڵگرتن وهرهو نووخوازی و مودرنیسمه که چ بخوازیم چ نهخوازیم لهپهسا جی کهفتگه و دیرێ جیگر دوێ. ئمرووژه هۊچ ویر و ئهندیشهیک پایار نیه مهگهر وه نهقد، پهێپاکی و شیکاری که خهلات ئهدبی ئیلام جواوێ بۊ وه ئێ داخوازیه دۊاێ چل ساڵ بێدهنگی.
نزیکەێ ۱۰۰کتاو وە دەبیرخانەێ خڵات ئەدەبی ئیلام رەسین کە دە ئێ نامه بەش شێعر کوردی ده باقی بەشەیل فرەتر بۊ.
داوەرەیل بەشەیل جیاواز خڵات ئەدەبی ئیلام دۊمای دوپیهککردن گشت کتاوەیل ئارا و نەزەرەیل خوەێان وە دەبیر عڵمی خڵات ئەدەبی دان و یهکە دە خوار خوەنیمن نەزەر گێشتی داوەرەیل دەبارەێ سەرجەم کتاوەیلێگە کە دە بەشەیل جیاواز داوەری کریانه.
۱٫وه شێوەی گێشتی، له کولیهت ئاسار غەڵەبەێ فره شەدید شێعر وە مەتن کوردی دۊنیمن کە نیشان ده ئقباڵ ئەدیبەیل ئیلامی وە نەزم و شێعر کوردیه و ئڕا سازین بنەوایل قورستر و بتاوتر توجه فرهتر وه مەتن و نەسر کوردی زەرووریه.
۲٫ دوێم دە کتاوەیلێ که وە دەس داوەرەیل رەسین ئێ نوکتە فره دیاری بۊ که کار عڵمی و زانستی کەم کار بۊگ. فره ده کتاوەیل بێڕفرنس و سەرچاوە چاپکریاۊن کە خسار فره گەپێگە ئڕا نەشر زوان کوردی ده ئیلام.
۳٫ وە داخەو کتاوەیل چاپکریاگ ده باوەت زاهری فره خاس کار نەکریاۊن و دیمن که ڕێک و پێکی زاهری کتاو ده وەر چەم ناشرەیل و نۊسەرەیل عەزیز نەۊ.
۴٫٫چوارمین نوکتەێ کە جەرخەێ داوەرەیل وەێ ئشاره کردن، چگن وەرەو زوان مێعیار و یهکگرتێگ کوردی خوارینه. وە داخەو ههرنۊسەرێگ تەقەلای تەسبیت و ناسانن زاراوە و بنزاراوەی خوەێ ده کتاو داشتۊ و یه ڕێ ئەڕا ئامووزش و ههەگیر بۊن زوان کوردی سەختەو کەێ.
وەێ بوونەوە داوەرەیلمان ده گێشت بەشهیل قەرار نان کە دە بەش پژووهشەیل زوانناسی خڵات ئەدەبی وە کەسێن پێشکەش نەکریهێ و تەنیا ده یەێ کتاو تەقدیر و دەسخوەشی وە عەمەڵ باێ.
دە بەش پژووهشەیل ئەدەبی وە یهێ عەزیز خڵات ئەدەبی پێشکەش بوو و ده دو عەزیز دەسخوەشی بکریهێ.
دەبەش داستان
وە دەلیل یه کە تەنیا دو کتاو وە دەس داوەرەیل رەسی خڵات ئەدەبی وە کەس پێشکەش نیهکریهێ و ده ههردوو نۊسەر عەزیز دەسخوەشی کریهێ.
دە ئاخرەو وە ئەرک خوەمان زانیمن ده ئدارهێ ئرشاد ئسڵامی ئیلام و جناب عومران خودئامووز و جناب یوونس قەیتانی و کاک ئاکۆ حسێنپوور، دەبیر عڵمی خڵات ئەدهبی ئڕا زامەتەیل یەێ ساڵهێ دەسخوەشی کەیمن.
ئەسامی نەفەرەیل ئەڵوێژیاگ ده بەشەیل جیاواز خڵات ئەدەبی:
بەش شێعر کڵاسیک کاک فەرهاد شاهمرادیان(ئەڵویژێاگ خڵات ئەدەبی)
بەش پێجوورەیل ئەدەبی
دوکتور عەلیمحەممەد سوهرابنژاد (ئەڵوێژیاگ خڵات ئەدەبی )
بەش ئەدەبیات زاڕووانە
کاک مەیسەم خوڕانی (ئەڵوێژیاگ خڵات ئەدەبی)
بەش تەرجمه و بەش شێعر نوو کوردی
کاک محەممەد مرادی نساری( ده ههردوو بەش ئەڵوێژیاگ خڵات ئەدەبی)
ئەسامی شایستەیل تەقدیر ده بەشەیل جیاواز:
ئوستاد زاهر سارایی(شایستە تەقدیر بەش پەجووریهیل ئەدەبی)
دوکتور عەلیڕەزا شووهانی ( شایستە تەقدیر بەش پەیجوورەیل ئەدەبی)
ئوستاد روقەیە درەخشەنده( شایستە تەقدیر بەش پەێجووریهل زوانناسی)
زارا ئمێدی (شایستە تەقدیر بەش ئەدەبیات داستانی)
محەممەد ئەمین مەنسووری (شایستە تەقدیر بەش ئەدەبیات داستانی)
هه وەێ جووره دە بەش شێعر جوان ئەسامی ئەڵوێژیاگەیل یانەن کە دە خوار نۊسنیم:
بەش شێعر کڵاسیک
۱٫رووحوڵا بانقڵانی
۲٫ئمێد زاهری
۳٫شکووفه نووربەخش
دە بەش شێعر نوو
۱٫محەممەد مرادی نساری
۲٫سارا عەزیزی
۳٫ تەیبە حەیدەربەیگی
داوەریل بەش شێعر جوان ئێ دو ئسمه وە عنوان تازەڕەوزەیل شێعر کوردی وە مەردم ناسانن:
۱٫فائزە چراغی
۲٫عەلی نەقدی
۱۳ اسفند ۱۳۹۹ ۲۱:۴۸
روابط عمومی اداره کل فرهنگ و ارشاد اسلامی استان ایلام
